xyz軟體王  xyz資訊工坊  xyz軟體補給站

今朝要去筲箕灣開會, 所以8點半就要出門口. 鄰居一位Auntie(下稱女)同我一齊入Lift, 落左幾層, 有個男人(下稱男)入Lift.

以下係佢地之間嘅對話:

男: 吖, 早晨呀!

女: 早晨呀, 今朝好凍喎!

男: 吓?!好凍咩, 我唔咪好覺!

女: 唔凍?一閞水喉就知啦!

男: D水唔凍呀, 好暖吖! (停頓兩秒) 因為我凍過佢!

如果你係:

搞笑電台節目主持: 嘩! 你呢句說話真係好難接! HaHaHa... (自己笑)

社會學家: 都市人工作壓力太大, 容易出現了矛盾思維, 應該尋求協助

哲學家: 以水嚟做媒介, 形容天氣寒冷, 好有意思, 值得思考!

政治家: 呢個係城市人嘅悲哀, 政府應該幫忙呢班人

醫生: 由於腦部經過一晚長時間休息, 人體甦醒後未必立即運作, 邏輯同分析能力會較弱

環保人士: 人類廢話太多, 增加溫室氣體排放, 建議立法管制

由於鄰居Auntie只係一位普通師奶, 所以選擇唔出聲...




xyz軟體王  xyz軟體補給站  xyz資訊工坊

花蓮民宿特惠網 發表在 痞客邦 PIXNET 留言(0) 人氣()